Собиқ беҳтарин футболбози ҷаҳон президенти кишвараш интихоб шуд

Собиқ ҳамлавари дастаҳои «Милан», «Челси» ва «Манчестер Сити» Ҷорҷ Веа президенти кишвари Либерия интихоб шуд. Тибқи маълумотҳо дар интихоботи президентӣ Веа аз рақиби асосии худ ноиби собиқ президенти Либерия Ҷозеф Бока аз “Ҳизби ягонагӣ”   пеш гузашт. Хотиррасон мекунем, ки Веа соли 1995-ум беҳтарин футболбози ҷаҳон эълон шуда, бо ҷоизаи “Тӯби тиллоӣ” сарфароз гардида буд. Ҳамлавари номбурда дар бошгоҳҳои машҳури ҷаҳон аз қабили «Монако», «ПСЖ», «Милан», «Челси», «Манчестер Сити» ва «Марсел» ҳунарнамоӣ кардааст.